منتديـات المرعـ سوكيد ـب لاقـوى افـلام الرعـب والغمــوض



 
الرئيسيةالبوابةدخولالتسجيلالتسجيل

شاطر | 
 

 خروفـه وقصيــده

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
سيد الفنون المرعبه
╝◄ مشرف ►╚
╝◄ مشرف ►╚
avatar

الجنس : ذكر عدد المساهمات : 288
تاريخ التسجيل : 27/10/2012
العمر : 28
بلد المرعب : الامارات
المتصفح : عالم الرعب
المزاج : ساحر من درجة 777
تعاليق : اهلا وسهلا بكم في عالم الرعب منتديات سوكيد المرعب تعال وشوف الرعب على اصوله

مُساهمةموضوع: خروفـه وقصيــده    الإثنين نوفمبر 19, 2012 8:05 pm

خروفـه وقصيــده








بسم الله الرحمن الرحيم

السلام عليكم ورحمة الله وبركااته ..

اليوم يايبه لكم قصيده وقصه .. حبيت أني ..أسدحهااا لكم برغم الحزن اللي

فيهااا خلوني أسدح لكم أول شئ القصه .. وخلاف ببدأ بالقصيده ..

تقول القصه يا محفوظين السلامه ..

في حرمه( امرأة ) كانت متزوجه ريــال ( الرجل ) وعايشه هي وعيالها ..

مثل ما يقولون بأمن وأماان .. في يووم يـــاهاا ريــلهاا ..

وقال لها ابــاج تيين ويايــه السووق .. وأبــاج تشترين ..

كــل اللي في خاطرج وكــل اللي يعيبج .. الحرمــه المسكينه ..

مــاصدقت خـبـر وفرحت بــ العــرض اللي قدمه لها زوجهــا ..

المووهيم راحت الحرمه السوق وأشترت لهاا الملابسس والعطورات ..

وكل لاوازم الحريم .. ويــوم رجعت البيت .. زقرهــا ريــلهــا وقال ,,

لها يـافلانــه وين الأغراض .. أستغربت الحرمــه وقالت ليشش ..؟؟!

رد عليها النذل اللي مــايخــاف الله هــايــل الاغــراض هب لج ..

ردت عليه شوو قال هاالأغرااض لـــ حرمتيـــه اليديده .. وأنا خذتج ..

السوق لأاني أنا ماعندي ذووق وأنتي مــاششاء الله علييج ذويقـــه ..

من الصدمــه طاحت الحرمــه وخذوهاا الدختــر وطاحت الحرمــه ..

في غيبوبـــه وأستمرت ويــاهــا خمسس سنوات وهي ماتدري بشئ ..

سبحاان الله بقدرة رب العالمين هاي الحرمه تنشش من غيبوبتهاا ..

ويوم نشت تمت تتنشد الدخاتر عــن اللي كان يزورهـا

وكانت الاجابـــه أنه من طاحت عندهم محــد زارهــا ولا حد أطمن عليهاا

فقــالت هـــاي القصيده ..




القصيدـــده ..

تكفين يا طيور الحرار افزعيلى

...........................ابى عن ديار الاهل منك اخبار

تكفين حومى فوقهم وارجعيلى

........................... وإلا ان حصل لك حومه داخل الدار

تكفين حول بيوتهم دوريلى

................................سبعة فروخ يوم اخليهم صغار

شوفى ضناى وعودى وانكفى لى

................................واشلونهم يا علهم صارو كبار

نسوا دفاي ونومهم فى شليلى

..............................وش علمهم يا علهم بطول الاعمار

قولي لهم ان امكم لها عويلي

..................................خمسه سنين دمعها دوم مدرار

وقولي لهم إني علي طول ليلي

....................................أنوح وليا قرب الصبح أنهار

وقولي عيوني دايما له هميلي

....................................تبكي ليا شافت من الناس زوار

كل يوم اقول غدى حديهم يجيني

..................................راحت سنيني مابهم واحد(ن) زار

وانا اللي من سبت سوات الحليلي

......................................حالي تردى كل ماله وينهار

وفرقا ضناي اللي تردت بحيلي

...................................كني على شوفتهم اصلى على نار

ياويلي كان الله عجل رحيلي

.................................وانا لي سنين ابي لو هي اخبار

ياعونة الله من يبي يرتكيلى

................................ ليا جارت علي بأمر الله كل الأقدار

تنكروا من يدخلون الدخيلى

.............................واللي بوسط ديارهم يامن الجار

قولي لهم ياطيور قلبي عليلي

............................ الله يكافي قلوبهم صارت احجار

وانا اللي لبراق الخيال استحيلي

................................واقول ياعل ديرتهم للأمطار

تكفين وسط ديارهم صوتيلي

.............................شوفي عسى لأسمي مع الناس تذكار

وقولي لمن نسيانهم يستحيلي

...............................ياللي نسيتوها ترى الوقت دوار

ياهيه ياللي بالسما لك هديلي

..............................ردي خبر تكفين يكفي امرار

شوفي هاك اللي نومهم في شليلي

...................................من اذان المغرب لوقت الأسحار

شوفي هاك اللي ماتهنى في مقيلي

.................................إلا مقيل معهم كبار وصغار

وقولي لهم ان كان حملي ثقيلي

...............................مره يجون وعقبها شي ماصار

وانا يتولاني كريم(ن) جليلي

................................ياعلني في جنّة وسط الأبرار

ودمتم بخير وسلامة

ارجو ان تنال اعجابكم

لامانه منقول



الرجوع الى أعلى الصفحة اذهب الى الأسفل
 
خروفـه وقصيــده
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـات المرعـ سوكيد ـب لاقـوى افـلام الرعـب والغمــوض :: المنتديات الادبية :: التراث الشعبي-
انتقل الى: